«Ես ուզում եմ ավարտել կարիերաս «Ռեալում», բայց դա ինձանից կախված չէ». Կրիշտիանու Ռոնալդու
Պորտուգալացին խոսել է ապագայի մասին «Գերմիոյի» նկատմամբ տարած հաղթանակից հետո:
«Ռեալը» հաղթեց Աշխարհի ակումբային առաջնությունը՝ եզրափակչում 1:0 հաշվով առավելության հասնելով «Գրեմիոյի» նկատմամբ: Խաղի միակ գոլը տուգանայինից խփեց Կրիշտիանու Ռոնալդուն:
«Մենք ուզում էինք հաղթել այդ տիտղոսը և գիտեինք, որ մեր դեմ լավ թիմ է խաղալու:
«Ռեալը» երբեք չէր նվաճել 5 տիտղոս մեկ տարում: Զիդանը մեզ ասել էր այդ մասին և մենք լիցքավորեցինք մարտկոցները, լավ խաղացինք և հաղթեցինք:
Ավարտել կարիերաս «Ռեալո՞ւմ»: Ես կուզենայի դա, բայց դա կախված չէ ինձանից: Չէ որ ես բոսս չեմ ակումբում»,- Ռոնալդուին է մեջբերում AS-ը:
Պատրաստեց Անի Գաբուզյանը
