Ծիլքարում գազի արտահոսքի հետևանքով 5 մարդ է թունավորվել
Նոյեմբերի 23-ին, ժամը 4.25-ին, հիվանդանոցից ոստիկանության Արագածի բաժնում հաղորդում է ստացվել, որ «գազով թունավորում` հարցականով» ախտորոշմամբ բուժօգնության են դիմել Ծիլքար գյուղի բնակիչներ, 1972 թ. ծնված Նանա Ս.-ն, 1994 թ. ծնված Մայիս Մ.-ն, 1992 թ. ծնված Մերի Մ.-ն, 1994 թ. ծնված Հարություն Մ.-ն և 1967 թ. ծնված Մխիթար Մ.-ն:
Պարզվել է, որ նրանք թունավորումը ստացել են ժամը 3.00-ի սահմաններում, իրենց տանը, գազի արտահոսքի հետևանքով:
Նշանակվել է ԴԲՓ:
Կատարվում է հետաքննություն:
