«Մանչեսթեր Յունայթեդը» բանակցություններ է վարում Ֆիլ Ջոնսի հետ
Ինչպես հաղորդում է ESPN-ը, «Մանչեսթեր Յունայթեդի» պաշտպան Ֆիլ Ջոնսը կարող է շարունակել ելույթներն «Օլդ Թրաֆֆորդում»: Ըստ աղբյուրի տեղեկության՝ ֆուտբոլիստը և ակումբը ցանկանում են երկարաձգել գործող պայմանագիրը, որի ժամկետը լրանում է 2019թ. հունիսի 30-ին:
Նշվում է, որ Ջոնսի պայմանագրում կա պայմանագիրը մեկ տարով երկարաձգելու մասին կետ, բայց «կարմիր սատանաների» ղեկավարությունը պատրաստ է 25-ամյա կենտրոնական պաշտպանին առաջարկել ավելի երկարաժամկետ պայմանագիր:
Պրեմիեր լիգայի ընթացիկ մրցաշրջանում Ֆիլ Ջոնսը «Մանչեսթեր Յունայթեդի» կազմում անցկացրել է 8 հանդիպում:
Պատրաստեց Անի Գաբուզյանը
