Գեղարքունիքում 30-ամյա կալանավորը փախուստի է դիմել. հարուցվել է քրեական գործ
Գեղարքունիքի մարզում հուլիսի 27-ին ձերբակալվածների պահման վայրից պահուստի է դիմել 30-ամյա կալանավոր: Ինչպես տեղեկացրին ՀՀ ոստիկանության հասարակայնության հետ կապերի և լրատվության վարչությունից, իրավապահները միջոցներ են ձեռնարկում նրան հայտնաբերելու ուղղությամբ:
ՀՀ քննչական կոմիտեի դեպարտամենտի տեղեկատվության և հասարակայնության հետ կապերի բաժնից նշեցին, որ դեպքի առթիվ հարուցվել է քրեական գործ Ք.Օ. 355 (փախուստն ազատազրկման վայրից, կալանավորվածներին պահելու վայրից կամ ձերբակալվածներին պահելու վայրից) և 315 (պաշտոնեական անփութություն) հոդվածների 1 մասերի հատկանիշներով: Կատարվում նախաքննություն:
Համացանցում շրջանառվող լուրերի համաձայն` փախուստի է դիմել Գեղարքունիքի մարզի Ներքին Գետաշեն գյուղի Ներքին Դեմեր թաղամասի բնակիչ, 30-ամյա Ահարոն Անտոնյանը, ով մեղադրվում էր ՀՀ քրեական օրենսգրքի 177 հոդվածի (գողություն) 2-րդ մասի հատկանիշներով:
