Մոուրինիոն գտնում է, որ Պոգբան նույն մակարդակի վրա է Ռոնալդուի և Մեսսիի հետ
Պոլ Պոգբան նախորդ մրցաշրջանից առաջ 104 մլն եվրոյի դիմաց «Մանչեսթեր Յունայթեդ» տեղափոխվեց «Յուվենթուսից»՝ դառնալով ամենաթանկ ֆուտբոլիստը պատմության մեջ: Չնայած քննադատություններին, Մոուրինիոն ֆրանսիացուն համարում է իր թիմի կարևորագույն կատարողներից:
«Մեսսին և Նեյմարը միակն են: Այդպիսիներն այլևս չկան: Ինչպես նաև Սուարեսը, Ինյեստան, Պիկեն, Ռոնալդուն, Բեյլը, Մոդրիչը, Տոնի Քրոսը. նրանք բոլոր մեկ օրինակ են և կարող են հանդես գալ միայն մեկ ակումբի կազմում:
«Մանչեսթեր Յունայթեդը» չի կարող ստանալ այդ ֆուտբոլիստներին, նրանք պատկանում են իրենց ակումբներին: Բայց պետք է ասեմ, որ Պոլ Պոգբան հրաշալի խաղ ցուցադրեց: Նա գտնվում է նույն մակարդակի վրա»,- հայտարարել է Մոուրինիոն:
Չնայած Պոգբայի հանդես գալուն, Չեմպիոնների միջազգային գավաթի վերջին խաղում «Մանչեսթեր Յունայթեդը» պարտվեց «Բարսելոնային» 0:1 հաշվով:
Պատրաստեց Անի Գաբուզյանը
