Մանուկ Սիմոնյանի սպանության գործով 2 անձ ձերբակալվել է
Արմավիրի մարզպետի խորհրդական Մանուկ Սիմոնյանի սպանության գործով 2 անձ ձերբակալվել է։ Այս մասին 168.am-ին հայտնեցին ՀՀ քննչական կոմիտեից։
1965 թ. ծնված Մանուկ Սիմոնյանի դիակը հայտնաբերվել էր 2017 թվականի հուլիսի 25-ին՝ ժամը 23.30-ի սահմաններում, Արմավիրի մարզի Մյասնիկյան-Դալարիկ ճանապարհի 3-րդ կմ-ից դեպի աջ ընկած՝ մոտ 300 մ հեռավորությամբ գտնվող «Դալարիկի ձոր» կոչվող տարածքում՝ փաթաթված և կապկպված: Դեպքի առթիվ հարուցվել է քրեական գործ։
ՀՀ քննչական կոմիտեն երեկ հայտնել է, որ կատարված սպանությունը բացահայտվել է, փաստական տվյալներ են ձեռք բերվել սպանության շարժառիթի և ենթադրյալ հանցագործություն կատարած անձանց շրջանակի վերաբերյալ: Ըստ մամուլում առկա տեղեկությունների՝ սպանության մեջ կասկածվում են ընտանիքի անդամները՝ կինն ու որդին։
