«Աղջկան ասել է՝ գնա տուն, ես գնամ՝ հանգստանամ ու տան կողքի ցախատանը կախվել է». Տավուշում 75-ամյա կին է ինքնասպան եղել
Տավուշի մարզում 75-ամյա կին է ինքնասպան եղել։
Այրում համայնքի ղեկավար Արայիկ Պարանյանը 168.am-ի հետ զրույցում ասաց, որ կինն իրենց համայնքից էր. «Ինչ-որ առողջական խնդիրներ չի ունեցել, «ոտքով-ձեռքով» էր։ Միայնակ կին էր, իր տնտեսության մեջ պարփակված, չշփվող։ Ես անձամբ իրեն ճանաչում էի, հարևանների հետ չէր շփվում։ Ուներ աղջիկ և տղա, որոնք ամուսնացած են, և հաճախ այցելում են մորը»։
Պարանյանը տեղեկացրեց, որ դեպքի ժամանակ էլ աղջիկը մոր տանն է եղել, մայրն ասել է՝ գնա տուն, ես գնամ՝ հանգստանամ ու տան կողքին գտնվող ցախատանը կախվել է. «Ոստիկանությունը զբաղվում է, հիմա մանրամասներ չգիտենք, մեր եղած ինֆորմացիան դա է»։
