«Ընտրությունը ՀՀ քաղաքացունն է». Նիկոլ Փաշինյանն ամփոփեց ավագանու ընտրությունների «Ելքի» քարոզարշավը
Երևանի Արաբկիր վարչական շրջանի Լամբադա կամրջի մոտից մայիսի 12-ին տեղի ունեցավ «Ելք» դաշինքի երթը` նվիրված ընտրակաշառքների դեմ պայքարին: Երթն անցավ Կոմիտասի և Բաղրամյան պողոտաներով դեպի Կենտրոնանական ընտրական հանձնաժողովի շենքը:
Նիկոլ Փաշինյանը կոչ արեց ընտրողներին քվեարկել ըստ իրենց խղճի և հրաժարվել ընտրակաշառքից: Երթի ավարտից հետո Փաշինյանը ամփոփեց նախընտրական քարոզարշավը: «Ամփոփելով նախընտրական քարոզարշավը` կարծում եմ մեր թիմը վատ չի աշխատել: Ընտրությունը ՀՀ քաղաքացուն է»,- եզրափակեց Փաշինյանը: Երևանի ավագանու ընտրությունները տեղի կունենան մայիսի 14-ին: Նախընտրական քարոզարշավը մեկնարկել է ապրիլի 21-ին և կշարունակվի մինչև մայիսի 12-ը ներառյալ:
Երևանի ավագանու ընտրություններին մասնակցելու համար առաջադրվել են երեք քաղաքական ուժ` ՀՀԿ, «Երկիր ծիրանի» կուսակցությունները և «Ելք» դաշինքը:
