«Եթե Կոնտեն գլխավորի «Ինտերը», նա կստանա իմ անկեղծ աջակցությունը». Ժոզե Մոուրինիո
«Մանչեսթեր Յունայթեդի» գլխավոր մարզիչ Ժոզե Մոուրինիոն մեկնաբանել է լուրերը «Չելսիի» գլխավոր մարզիչ Անտոնիո Կոնտեի՝ Միլանի «Ինտերի» մարզչի պաշտոնում հնարավոր նշանակման մասին:
«Յուրաքանչյուրը, ով կգլխավորի «Ինտերը», կստանա իմ լավագույն ցանկությունները և անկեղծ աջակցությունը: Ես ակումբին ցանկանում եմ հաղթանակներ և հուսով եմ, որ նրա գլխավոր մարզիչը կվերադարձնի ուրախությունը թիմի երկրպագուներին»,- ասել է Մոուրինիոն Sky Italia-ին:
Ժոզե Մոուրինիոն գլխավորել է միլանյան «Ինտերը» 2008-2010թթ. և ակումբի հետ նվաճել է 2 Սկուդետո, հաղթանակ է տարել Իտալիայի գավաթում և Սուպերգավաթում, ինչպես նաև հաղթել է Չեմպիոնների լիգան:
Պատրաստեց Անի Գաբուզյանը
