Ավտոբուսը շրջադարձ կատարելիս արգելափակվել է
Ապրիլի 19-ին, ժամը 03:23-ին ահազանգ է ստացվել, որ Ալավերդի-Օձուն ավտոճանապարհի 2-րդ կմ-ին ավտոբուսն արգելափակվել է և չի կարողանում շարունակել ընթացքը. անհրաժեշտ է փրկարարների օգնությունը: Դեպքի վայր է մեկնել հրշեջ-փրկարարական ջոկատի օպերատիվ խումբը և մեկ մարտական հաշվարկ:
Պարզվել է, որ «DAF» մակնիշի 82 CC 001 պետհամարանիշով ավտոբուսն Ալավերդի-Օձուն ավտոճանապարհի 1-ին ոլորանի հատվածում շրջադարձ կատարելիս արգելափակվել է և չի կարողանում շարունակել ընթացքը: Փրկարարները Մ-6 ավտոճանապարհի Ալավերդի-Վանաձոր հատվածի 5-րդ կմ-ից արգելափակումից դուրս են բերել ավտոբուսը:
