Ճապոնիայի տրամադրած 20 միլիարդ դոլարի չափով օգնությունն ամենախոշորներից մեկն է. Զելենսկի
Ուկրաինան 2022 թվականի փետրվարից ի վեր Ճապոնիայից ստացել է ավելի քան 20 միլիարդ դոլար ընդհանուր գումարի օգնություն։ Այս մասին լրագրողների հետ զրույցում հայտարարել է Ուկրաինայի նախագահ Վոլոդիմիր Զելենսկին։ Նրա խոսքերը մեջբերում է «Նովոստի.Live» պարբերականը։
«Աջակցությունը եղել է պատերազմի սկզբից և շատ հիմնավոր աջակցություն։ Տրամադրվել է ավելի քան 20 միլիարդ դոլարի օգնություն։ Դա աշխարհում օգնության ամենամեծ գումարներից մեկն է։ Դա նաև էներգետիկան է, հումանիտար աջակցությունը, բազմաթիվ տարբեր ծրագրեր», – ասել է նա:
