Գյումրին Ազգային ժողով կուղարկի նաև իր 41 տարվա ռուս հարսին. aravot.am
Ինչպես հայտնի է՝ նախնական հաշվարկներով, Շիրակի մարզից խորհրդարան կգնան ՀՀԿ վարկանիշային թեկնածուներ՝ «Շիրակ» ֆուտբոլային ակումբի սեփականատեր Արման Սահակյանը՝ 14 հազար 510 ձայնով, Շիրակի նախկին մարզպետ Ֆելիքս Ցոլակյանը՝ 11 հազար 796 ձայնով, «Ծառուկյան դաշինքից» Գյումրու պետական մանկավարժական ինստիտուտի նախկին ռեկտոր Վարդևան Գրիգորյանը՝ 13 հազար 999 ձայնով, Գյումրու նախկին քաղաքապետ Վարդան Ղուկասյանը՝ 12 հազար 452 ձայնով ու նաև Շիրակի նախկին դաշնակցական մարզպետ Ռոմիկ Մանուկյանը, որը հավաքել է 3123 ձայն։
Ինչպես հաղորդում է aravot.am-ը, Գյումրին «Ծառուկյան դաշինքով» խորհրդարան է ուղարկում «Ինեկոբանկի» Գյումրու մասնաճյուղի գլխավոր մասնագետ Տատյանա Միքայելյանին։ Տիկին Տատյանան ազգությամբ ռուս է, նա խորհրդարան կգնա որպես ազգային փոքրամասնության ներկայացուցիչ։
Տիկին Տատյանան aravot.am-ի հետ զրույցում ասել է, որ ինքը ծնվել է Թաթարստանում, մեծացել Կազան քաղաքում, իսկ 1976 թվականից գյումրեցու հարս է։
Ամբողջությամբ՝ սկզբնաղբյուր կայքում:
