Երևանի ավագանու ընտրություններում առաջադրումների վերջնաժամկետը մոտենում է. ԿԸՀ-ն ոչ մի փաստաթուղթ դեռ չի ստացել
Մայիսի 14-ին կայանալիք Երևանի ավագանու ընտրություններին մասնակցելու համար դեռևս ոչ մի քաղաքական ուժ ընտրական ցուցակներ չի ներկայացրել Կենտրոնական ընտրական հանձնաժողով։ Այս մասին 168.am-ի հետ զրույցում հայտնեց ԿԸՀ մամուլի քարտուղար Հերմինե Հարությունյանը։
«Գրանցման համար ոչ մի փաստաթուղթ դեռ չի ներկայացվել»,- ասաց նա։
Առաջադրումների վերջնաժամկետը, հիշեցնենք, ապրիլի 9-ն է։
Հ.Հարությունյանը նշեց, որ թեև շաբաթ և կիրակի հանգստյան օրեր են, սակայն ԿԸՀ-ն աշխատելու է նաև այդ օրերին։
