9/30 ընտրատեղամասում այս պահի դրությամբ 1897 ընտրողից քվեարկել են 440 մարդ
Երևանի Ալեքսանդր Գրիբոյեդովի թիվ 41 դպրոցում տեղակայված 9/30 ընտրատեղամասում գրանցված 1897 ընտրողից այս պահի դրությամբ քվեարկել են 440-ը:
«Արմենպրես»-ի հետ զրույցում ընտրատեղամասի հանձնաժողովի նախագահ Վարդան Աբրահամյանը նշեց, որ ընտրությունն ընթանում է բնականոն հունով:
«Դեռևս խախտումներ չեն արձանագրվել, ընտրությունները նորմալ ընթանում են, և տեխնիկական խնդիրներ մինչ այս պահը նույնպես չեն գրանցվել», ասաց հանձնաժողովի նախագահը: Վարդան Աբրահամյանը նաև տեղեկացրեց, որ այժմ ընտրատեղամասում չկան միջազգային դիտորդներ` նրանք հետևել են ընտրության ընթացքին և հեռացել:
Հայաստանում մեկնարկել է Ազգային ժողովի հերթական ընտրությունների քվեարկությունը: Ապրիլի 2-ին առավոտյան ժամը 08:00-ի դրությամբ բացվել են հանրապետության ողջ տարածքում ձևավորված 13 ընտրատարածքների 2009 տեղամասերը:
Քվեարկությունը կավարտվի երեկոյան ժամը 20:00-ին, ինչից հետո կսկսվի ձայների հաշվարկը: ՀՀ ոստիկանության հրապարակած վերջին տվյալներով՝ ընտրելու իրավունք ունեցող քաղաքացիների ընդհանուր թիվն է 2 միլիոն 564 հազար 195, հաշվառում չունեցող ընտրողների թիվը` 915: Ստացիոնար բուժում իրականացնող բժշկական հաստատություններում գտնվող ընտրողների թիվն, ըստ տվյալների, 2001 է:
