Շվեյցարիայում «սպանիր Էրդողանին» գրությամբ շապիկներ են հանվել վաճառքի
Շվեյցարիայի մայրաքաղաք Բերնի վաճառակետերում Թուրքիայի նախագահ Ռեջեփ Թայիփ Էրդողանի նկարով շապիկներ են հայտնվել: Այս մասին հայտնում է թուրքական «Հաբերլեր»-ը:
Շապիկների վրա նկարից բացի տեղ է գտել անգլերենով Kill Erdogan (Սպանիր Էրդողանին) գրությունը:
Շվեյցարիայի մայրաքաղաք Բերնում Թուրքիայում սպասվելիք հանրաքվեի շուրջ Քրդստանի բանվորական կուսակցության (PKK) կողմնակիցների կազմակերպած «ոչ»ի ակցիայի ժամանակ ցուցարանները բարձացրել էին Էրդողանի նկարով մի պաստառ, որի վրա նույնպես գրված էր եղել «սպանիր Էրդողանին»:
Ցույցի ժամանակ տեղ գտած պաստառին հաջորդել է «Սպանիր Էրդողանին» գրությամբ շապիկների տարածումը: Այդ դեպքի հետ կաված Անկարայում Շվեյցարիայի դեսպան Վալտեր Հաֆֆները կանչվել էր Թուրքիայի արտաքին գործերի նախարարություն:
