Կոկոսի յուղի 6 հատկություն, որոնց մասին չգիտեք
Steptohealth.ru կայքը գրում է, որ կոկոսի յուղն ամենաօգտակար մթերքներից մեկն է համարվում, քանի որ բազմաթիվ օգտակար հատկություններ ունի։ Կոկոսի յուղը ճաշատեսակների մեջ կարելի է օգտագործել ինչպես՝ ջերմային մշակումից հետո, այնպես էլ՝ առանց դրա։ Այն բազմաթիվ առավելություններ ունի. լավացնում է մաշկի և մազերի վիճակը, կանխարգելում մտավոր խանգարումները և կարգավորում նյութափոխանակությունը։
1. Կոկոսի յուղը՝ որպես հակաբիոտիկ և բնական հակաօքսիդանտ։ Թթուն, որ պարունակում է կոկոսի յուղը, ազդում է որպես հակամիկրոբային միջոց և պաշտպանում է օրգանիզմը՝
• ստաֆիլոկոկից, որը մաշկի և արյունատար համակարգի մի շարք վարակների պատճառ է դառնում,
• սնկերի տարբեր տեսակներից,
• վարակներից։
2. Կոկոսի յուղը՝ մտավոր խանգարումների դեմ։ Կոկոսի յուղը ճարպաթթուներ է պարունակում, որոնք օգնում են նվազագույնի հասցնել ճանաչողական խանգարումների հետագա զարգացումը։
3. Կոկոսի յուղը՝ էպիլեպսիայի դեմ։ Շատ ճարպեր, սպիտակուցներ և նվազագույն քանակով ածխաջրեր պարունակող սննդակարգը կօգնի նվազեցնել ջղաձգումները երեխաների շրջանում։
4. Քաշի նվազեցում և մետաբոլիկ համախտանիշի բուժում։ Եթե ցանկանում եք գեղեցիկ կազմվածք ունենալ, ժամանակն է ուշադրություն դարձնել կոկոսի յուղին։ Կոկոսի յուղը տրիգլիցերիդներ է պարունակում, որոնք թույլ են տալիս ամենօրյա ծախսվող էներգիայի քանակը մեծացնել 5 տոկոսով։ Դա նշանակում է, որ ամեն օր կծախսեք ևս 120 կալորիա։
5. Լավագույն փափկեցնող միջոց։ Կոկոսի յուղը մաշկն ավելի փափուկ, առողջ և փայլուն է դարձնում, առողջացնում է մազերը և հաճելի բույր հաղորդում։ Բացի այդ՝ կոկոսի յուղն օգտագործվում է էկզեմայի և փսորիազի բուժման նպատակով։
6. Գեղեցիկ տեսք է հաղորդում վարսերին։ Կոկոսի յուղը հրաշալի խոնավեցնող միջոց է։ Եթե այն օգտագործեք որպես կոնդիցիոներ, վարսերն ավելի գրավիչ և փայլուն տեսք կունենան։ Կոկոսի յուղը հարկավոր է քսել վարսերին և թողնել ամբողջ գիշեր։ Հաջորդ օրը լվանալ սովորականի նման։
Նյութը հրապարակման պատրաստեց 168.am-ը
