ԵՄ-ն Facebook-ին, Google-ին և Twitter-ին մեղադրել է սպառողների իրավունքների խախտման մեջ. Reuters
Եվրամիության իշխանությունները Facebook, Google եւ Twitter ընկերություններին մեկ ամիս են տվել, որպեսզի դրանք ծառայությունների մատուցման պայմանները համապատասխանեցնեն սպառողների իրավունքների պաշտպանության վերաբերյալ
եվրոպական օրենսդրությանը, այլապես ընկերություններին սպառնում են տուգանքներ: Այդ մասին հայտնել է Reuters-ը՝ վկայակոչելով իրադրությանը ծանոթ մի աղբյուր:
Գործակալության տվյալներով՝ անցյալ տարվա դեկտեմբերին իշխանություններն ընկերություններին են ուղարկել նամակներ՝ ծանուցումներով, որ սոցիալական ցանցերի կողմից ծառայությունների մատուցման որոշ պայմաններ հակասում են սպառողների իրավունքների պաշտպանության եվրոպական օրնեսդրությանը:
Օրինակ՝ իշխանությունները քննադատության են ենթարկել այն փաստը, որ օգտատերերը չեն կարող իրենց բնակության երկրում դատարան դիմել, այլ պարտավոր են այդ նպատակով մեկնել Կալիֆոռնիա, որտեղ գտնվում են ընկերությունների գրասենյակները:
Գործակալության աղբյուրի խոսքով՝ ընկերությունների ներկայացուցիչներն առաջարկել են խնդրի լուծման որոշ ուղիներ եւ արդեն մարտի 16- ին դրանք քննարկել են Եվրոպայի իշխանությունների հետ, հաղորդել է ՌԻԱ Նովոստին:
