Բուլղարիան ետ է կանչել Թուրքիայում իր դեսպանին

Բուլղարիայի արտաքին գործերի նախարարության պաշտոնական կայքի փոխանցմամբ՝ Բուլղարիայի իշխանությունները ետ են կանչել Թուրքիայում իրենց դեսպանին խորհրդակցությունների համար:

Պաշտոնական Սոֆիան իր դժգոհությունն է հայտնել այն փաստի կապակցությամբ, որ Թուրքիան ցանկանում է միջամտել Բուլղարիայի ներքին գործերին: Թուրքիայի աշխատանքի և սոցիալական ապահովության նախարար Մեհմեթ Մյուեզզինօղլուն Բուլղարիայի թուրքական սփյուռքին կոչ է արել այդ երկրի խորհրդարանական ընտրություններում քվեարկել ԴՈՍՏ կուսակցության օգտին:

Բուլղարիայում խորհրդարանական ընտրությունները տեղի են ունենալու մարտի 26­-ին: