Լավրովը հեռանկարային է անվանել Ռուսաստան-Թուրքիա-Իրան «եռյակը»
ՌԴ ԱԳՆ ղեկավար Սերգեյ Լավրովը հայտարարել է Ռուսաստան-Թուրքիա-Իրան ձևաչափի հեռանկարայնության մասին, հայտնում է Interfax-ը։
«Մոտ ապագայում տեղի կունենա Ռուսաստանի և Թուրքիայի գագաթաժողովը նախարարների մակարդակով։ Խոսելու ենք մեր փոխգործակցության տարբեր ուղղությունների մասին՝ դա և՛ առևտուրն է, և՛ տնտեսությունը, և՛ ներդրումները, համատեղ ենթակառուցվածքային նախագծերը»,- ասել է Լավրովը։
Նրա խոսքով՝ Ռուսաստանի և Թուրքիայի նախագահների հանդիպմանը նույնպես քննարկվելու է արտաքին քաղաքական համագործակցությունը, «առաջին հերթին սիրիական ճգնաժամի կարգավորմանը նպաստելը մեր համատեղ նախաձեռնություններով, որին միացել է նաև Իրանը»։
«Այնպես որ, կարելի է խոսել Ռուսաստան-Թուրքիա-Իրան ևս մեկ հեռանկարային եռյակի մասին»,- ասել է Լավրովը։
