Ուեյն Ռունին շնորհավորել է Բելյուին՝ Հեյի դեմ տարած հաղթանակի կապակցությամբ
«Մանչեսթեր Յունայթեդի» հարձակվող Ուեյն Ռունին աջակցել է Թոնի Բելյուին Դևիդ Հեյի դեմ մենամարտում:
Բրիտանացի բռնցքամարտիկ Թոնի Բելյուն հաղթանակ է տարել տեխնիկական նոկաուտով՝ Դևիդ Հեյի դեմ մենամարտի 11-րդ ռաունդում:
Մենամարտից հետո Բելյուն հանդիպել է Ուեյն Ռունիի հետ, ով աջակցել է բռնցքամարտիկին մենամարտի ժամանակ:
«Ես անհանգստանում էի, բայց ես երջանիկ եմ նրա համար: Աշխարհի չեմպիոնը բարձրացավ հաջորդ քաշային կարգ և հաղթեց Դևիդ Հեյին՝ ամենաուժեղներից մեկին ծանր քաշային կարգում: Անհավանական է»,- ասել է Ռունին iFL TV-ին:
Բելյու – Հեյ մենամարտը դիտելու էին եկել նաև այլ հայտնի ֆուտբոլիստներ, որոնց թվում կարելի էր տեսնել «Էվերթոնի» նախկին ֆուտբոլիստներ Սիլվեն Դիսթենին և Մարուան Ֆելաինիին:
Պատրաստեց Անի Գաբուզյանը
