Կարեն Կարապետյանը մարտի 7-ին կմասնակցի ԵՏՄ միջկառավարական խորհրդի նիստին
Հայաստանի վարչապետ Կարեն Կարապետյանը մարտի 7-ին կմասնակցի Եվրասիական միջկառավարական խորհրդի նիստին, որը տեղի կունենա Բիշքեկում, հայտնում է RIA Novosti-ն՝ վկայակոչելով Կարեն Կարապետյանի մամուլի ծառայությանը։
«Այսօր վարչապետը կուղևորվի Բիշքեկ, որտեղ երեքշաբթի կմասնակցի ԵՏՄ միջկառավարական խորհրդի նիստին»,- ասել է գործակալության զրուցակիցը։
Նա չի բացառել, որ այցի շրջանակում Կարապետյանը մի շարք երկկողմ հանդիպումներ կունենա։
Կ. Կարապետյանի հետ Բիշքեկ կմեկնեն նաև փոխվարչապետ Վաչե Գաբրիելյանը, ՀՀ ԱԳՆ նախագահի տեղակալ Շավարշ Քոչարյանը և այլք։
