Նահապետ Գևորգյանը ՀՀԿ վերնախավին բողոքել է Սեյրան Սարոյանից ու Առաքել Մովսիսյանից. «Փաստ»
«Փաստ» թերթը գրում է. «Արմավիրի մարզում նախընտրական կրքերը Հանրապետական կուսակցության ռեյտինգային ցուցակում գրանցված թեկնածուների միջեւ խիստ թեժանում են: Ինչպես հայտնի է, այստեղից պատգամավոր են ուզում դառնալ ՀՀԿ-ական գեներալներ Մանվել Գրիգորյանն ու Սեյրան Սարոյանը, Առաքել Մովսիսյանը (Շմայս) ու ԱԺ պատգամավոր Նավոն` Նահապետ Գեւորգյանը:
Բանն այն է, որ ինչպես մյուս տեղերում, այստեղ էլ ՀՀԿ վերնախավը «գծել է» իր թեկնածուների «Ճանապարհային քարտեզը», այսինքն` թե ով որ տարածքում է ծավալելու ձայներ հավաքելու գործընթացը: Բայց այստեղ արդեն մեկը մյուսի «բոստանն» է մտնում:
Ըստ «Փաստի» տեղեկությունների` Սեյրան Սարոյանն ու Շմայսը «մտել են» Հոկտեմբերյանի` նույնն է, թե Նահապետ Գեւորգյանի համար «նախատեսված» տարածքը:
Նահապետը պիտի որ թույլ չտա: Ու առաջին հերթին, մեր տեղեկություններով, արդեն գանգատվել է ՀՀԿ վերնախավին»:
Ամբողջությամբ կարող եք կարդալ «Փաստ» թերթի այսօրվա համարում: