Փարիզում ձվով հարվածել են նախագահի թեկնածու Մակրոնի ճակատին
Ֆրանսիայում նախագահի պաշտոնի թեկնածու Էմանուել Մակրոնի վրա անհայտ անձը ձու է նետել Փարիզի գյուղատնտեսական ցուցահանդեսի ժամանակ, հայտնում են տեղի ԶԼՄ-ները։
Հեռուստատեսությամբ ցուցադրված կադրերից երևում է, թե ինչպես է ձուն դիպչում ֆրանսիացի քաղաքական գործչի ճակատին։
«Երբ տեսակետները որոշ հարցերի շուրջ տարբերվում են, ապա միանգամից սկսում են ձվեր նետել։ Դա Ֆրանսիայի քաղաքական կյանքի մասն է ու այն միշտ այդպիսին է եղել»,- կատարվածը մեկնաբանել է Մակրոնը։
Սա քաղաքական գործչի հետ պատահած առաջին դեպքը չէ։ 2016թ. նրան դարձյալ հարվածել էին ձվով, երբ այցով գտնվել է Փարիզի արվարձաններից մեկում։
https://www.youtube.com/watch?v=kspizb4UFDQ
