«Կարո՞ղ եմ խաղալ հաղթողի հետ». Սերենա Ուիլյամսն ապշեցրել է այգում թենիս խաղացողներին

Ամերիկուհին զբոսնել է Սան Ֆրանցիսկոյում:

Թենիսիստուհին իր սիրեցյալի՝ Ալեքսիս Օհանյանի հետ զբոսնել է զբոսայգիներից մեկում: Տեսնելով այգում թենիս խաղացողներին՝ Ուիլյամսը մոտեցել է նրանց և հետաքրքրվել է, թե կարո՞ղ է արդյոք խաղալ հաղթողի հետ:

Տղաները միանգամից չեն հասկացել, թե ով է իրենց առջև:

«Աստված իմ, չէ՞ որ սա Սերենան է»,- բացականչել է նրանցից մեկը:

Տղաները փորձել են համոզել Ուիլյամսին խաղալ իրենց հետ, բայց Սերենան հրաժարվել է՝ բացատրելով դա համապատասխան կոշիկ չունենալով:

Australian Open-ի եզրափակիչը վերջին խաղն էր, որտեղ մասնակցել է Սերենան 2017 թվականին:

https://www.youtube.com/watch?v=Jdwbde_RqCc

Պատրաստեց Անի Գաբուզյանը