Պետական պարտքը համառ ու արագ տեմպերով մոտենում է իր «ֆինիշին». «Հայկական ժամանակ»
«Հայկական ժամանակ» թերթը գրում է․ «Այս տարվա հունվարի 31‐ի դրությամբ ՀՀ պետական պարտքը կազմել է 5 միլիարդ 969 միլիոն 346 հազար դոլար: Միայն հունվարին մեր պետական պարտքը աճել է 27 միլիոն 251 հազար դոլարով: Արտաքին պարտքը կազմել է 4 միլիարդ 836 միլիոն դոլար: Այս թվերը երեկ հրապարակել է ՀՀ ազգային վիճակագրական ծառայությունը: Ըստ այդմ, արտաքին պարտքը աճել է 30.9 մլն դոլարով, իսկ ներքին պարտքը նվազել 3.6 միլիոն դոլարով:
«Պետական պարտքի մասին» ՀՀ օրենքի համաձայն, եթե պետական պարտքը ﴾չհաշված ՀՀ ԿԲ պարտքը﴿ գերազանցում է համախառն ներքին արդյունքի 60 տոկոսը, ապա կառավարությունը իրավունք չունի այլեւ պարտք ներգրավել ոչ ներքին, եւ ոչ էլ արտաքին: 2016‐ին մեր ՀՆԱ‐ն կազմել է մոտ 10.3 միլիարդ դոլար: Իսկ սա նշանակում է, որ մեր պետական պարտքը համառ ու արագ տեմպերով մոտենում է իր «ֆինիշին»:
Ամբողջությամբ կարող եք կարդալ «Հայկական Ժամանակ» թերթի այսօրվա համարում:
