Մոսկվան ու Թեհրանը կքննարկեն Լեռնային Ղարաբաղի հակամարտության կարգավորումը
Մոսկվան ու Թեհրանը պատրաստում են մի շարք համաձայնագրեր, որոնք ստորագրվելու են մարտի վերջին Իրանի նախագահ Հասան Ռոհանիի՝ Մոսկվա կատարելիք այցի շրջանակում, RIA Novosti-ին տված հարցազրույցում հայտարարել է Իրանում Ռուսաստանի դեսպան Լևան Ջագարյանը:
Սպասվում է, որ կողմերը կստորագրեն նաև երկու երկրների միջև վիզային ռեժիմի հետագա դյուրացման մասին համաձայնագիր։
Դիվանագետը տեղեկացրել է, որ Իրանի և Ռուսաստանի նախագահների օրակարգում կլինեն երկկողմ հարաբերությունները քաղաքական ու առևտրատնտեսական ոլորտներում։
«Բացի այդ, անկասկած, ուշադրության կենտրոնում կլինեն տարածաշրջանի օրակարգային առավել սուր հարցերը, ինչպիսիք են Աֆղանստանում վիճակը, Կասպյան խնդիրը, Ղարաբաղյան հակամարտությունը»։
