Բրազիլիայում շուրջ 40 մարդ է մահացել դեղին տենդից
Բրազիլիայում 38 մարդ է ենթադրաբար մահացել դեղին տենդի բռնկման հետևանքով Մինաս-Ժերայս նահանգում, հայտնում է RIA Novosti-ն:
Նահանգի առողջապահության նախարարության տվյալներով՝ ներկայումս հայտնաբերվել է հիվանդության 113 հնարավոր դեպք:
Մինաս-Ժերայսի նահանգապետ Ֆերնանդու Պիմենտալը նահանգում արտակարգ դրություն է հայտարարել հիվանդության բռնկման հետևանքով:
Ներկայումս հիվանդության դեպքեր են ի հայտ եղել նահանգի 24 շրջաններում:
