Ջորջ Լուկաս. աշխարհի ամենահարուստ հայտնին՝ ըստ Forbes-ի
Forbes ամերիկյան հանդեսը կազմել է աշխարհի ամենահարուստ հայտնիների ամենամյա վարկանիշը: Ցուցակի առաջատարը դարձել է կինոռեժիսոր Ջորջ Լուկասը, որի կարողությունը գնահատվում է 4,6 մլրդ դոլար:
2012 թվականին Լուկասն իր Lucasfilm ընկերությունը 4,05 մլրդ դոլարով վաճառել Է The Walt Disney Company կոնգլոմերատին: Կինեմատոգրաֆիստը հայտնի է «Աստղային պատերազմներ» ֆանտաստիկ սագայով եւ Ինդիանա Ջոնսի մասին ֆիլմերով:
Երկրորդ տեղում հայտնվել է ռեժիսոր Սթիվեն Սփիլբերգը՝ 3,7 մլրդ դոլարով: Երրորդ հորիզոնականն զբաղեցրել է ամերիկացի հեռուստահաղորդավարուհի Օփրա Ուինֆրին՝ 2,8 մլրդ դոլար կարողությամբ:
Վարկանիշում տեղ են գտել բասկետբոլիստ եւ դերասան Մայքլ Ջորդանը, ռեփերներ Դիդին, Դոկտոր Դրեն եւ Ջեյ-Զին, գրող Ջեյմս Փաթերսոնը, գոլֆիստ Թայգեր Վուդսը, ինչպես նաեւ երաժիշտներ Բարբարա Սթրեյզենդը, Ջոն Բոն Ջովին եւ Բրյուս Սփրինգսթինը:
