Ղրղըզստանում սահմանադրական բարեփոխումներն ընդունվել են
Ղրղըզստանի ԿԸՀ ղեկավար Նուրժան Շայլդաբեկովան հայտարարել է, որ Ղրղըզստանի Սահմանադրության բարեփոխումները երեկ կայացած հանրաքվեի արդյունքներով համարվում են ընդունված, տեղեկացնում է Interfax-ը։
«Համաձայն սահմանադրական օրենքների՝ ԿԸՀ-ն հանրաքվեն ճանաչվում է կայացած, եթե դրան մասնակցում է ընտրողների ավելի քան 30 տոկոսը, և ակնհայտ է, որ քվեարկության արդյունքները վկայում են այն մասին, որ Սահմանադրության փոփոխությունները կարելի է համարել ընդունված»,- հայտարարել է նա։
Վերջինիս խոսքով՝ քվեաթերթիկների 100%-ի հաշվարկից հետո պարզ է դառնում, որ մասնակիցների մոտ 80%-ը աջակցել է սահմանադրական բարեփոխումներին, իսկ շուրջ 15%-ը դեմ է հանդես եկել։
