«Թրամփը հավատարիմ է ԱՄՆ-ի և ՆԱՏՕ-ի համագործակցությանը». Օբամա
ԱՄՆ նորընտիր նախագահ Դոնալդ Թրամփը հավատարիմ է ՆԱՏՕ-ի շրջանակներում ստանձնած պարտավորություններին։ Այս մասին հայտարարել է ԱՄՆ նախագահ Բարաք Օբաման նոյեմբերի 15-ին Վաշինգտոնում կայացած ճեպազրույցի ժամանակ։
«Ինձ հետ զրուցույցում նորընտիր նախագահը լուրջ հետաքրքրություն ցուցաբերեց նրան, ինչ վերաբերում է մեր ռազմավարական հետաքրքրությունների աջակցությանը։ Եվ ուղերձներից մեկը, որը ես կարող եմ ներկայացնել, նրա հանձնառությունն է ՆԱՏՕ-ին»,- ասել է նա։
Օբաման հայտնել է, որ մի շարք երկրներ կայանալիք այցի շրջանակում և եվրոպացի առաջնորդների հետ հանդիպումների ժամանակ փորձելու է նրանց հասցնել այդ տեղեկությունը։
Ընդհանուր առմամբ՝ խոսելով ԱՄՆ արտաքին քաղաքականության հնարավոր փոփոխությունների մասին՝ կապված Սպիտակ տուն Թրամփի գալու հետ, Օբաման ընդգծել է, որ արտաքին քաղաքականությունը վճռում է ոչ միայն նախագահը, այլև զինվորականները, դիվանագետները, հետախուզական միությունը։
«Դա մեզ անփոխարինելի պետություն է դարձնում, երբ հարցը հասնում է համաշխարհային իրավակարգին աջակցելուն»,- վստահ է ԱՄՆ նախագահը։
