Ռուսաստանը սպառնացել է անհամաչափ պատասխան տալ Սիրիայի պատճառով պատժամիջոցների սահմանման դեպքում
Ռուսաստանը սպառնացել է անհամաչափ պատասխան տալ, եթե ԱՄՆ-ը պատժամիջոցներ սահմանի Մոսկվայի դեմ Սիրիայի իրավիճակի պատճառով։ Այս մասին, ինչպես հայտնում է Interfax-ը, հայտարարել է ՌԴ փոխարտգործնախարար Սերգեյ Ռյաբկովը։
«Ռուսաստանի նկատմամբ ցանկացած թշնամական գործողություն չի մնա անպատասխան։ Ներկայիս պատժամիջոցային քաղաքականության տարբեր փուլերում Մոսկվան բազմիցս զգուշացրել է, որ պատասխան պարտադիր կլինի, նրանք կարող են հայելային չլինել, այլ անհամաչափ»,- ընդգծել է Ռյաբկովը։
Ռուս դիվանագետի խոսքով՝ Ռուսաստանի նկատմամբ հավելյալ պատժամիջոցների սահմանման սպառնալիքները վկայում են ամերիկյան իշխանությունների թուլության մասին։
