Զաքիր Հասանովն առաջնագծում այցելել է ուսումնա-հրաձգային կենտրոն

Ադրբեջանական Report կայքը հաղորդում է, որ այսօր երկրի նախագահ Իլհամ Ալիևի հանձնարարությամբ առաջնագիծ մեկնած Ադրբեջանի պաշտպանության նախարար Զաքիր Հասանովը այցելել է ուսումնա-հրաձգային կենտրոն, որտեղ անցկացվում են զինծառայողների մարտավարական և հրաձգային պարապմունքներ։

 Կայքը հղում է կատարում Ադրբեջանի պաշտպանության նախարարությանը։
Նշվում է, որ Հասանովը հետևել է կրակային, մարտավարական և այլ ուսումնական մասերում գործնական պատրաստվածության դասընթացներին, ինչպես նաև հետախուզական և դիպուկահարների պատրաստման կուրսերին։