Խաղադաշտ ենք մտնելու 3 միավոր վաստակելու նպատակով. Լևոն Հայրապետյան
Ֆուտբոլի Հայաստանի հավաքականի պաշտպան Լևոն Հայրապետյանի կարծիքով ազգային թիմի տղաները հաղթանակի մեծ ցանկությամբ են մոտենում Ռումինիայի հետ խաղին:
«Ինձ լավ եմ զգում և արդեն երկու խաղ խաղացել եմ: Բոլորը հավաքականում կենտրոնացած են, տրամադրված ենք այս խաղին, ուզում ենք հաղթել: Խաղադաշտ ենք մտնելու 3 միավոր վաստակելու նպատակով»,- «Արմենպրես»-ի հաղորդմամբ, լրագրողների հետ հանդիպման ժամանակ ասաց Հայրապետյանը:
Ֆուտբոլի աշխարհի առաջնության ընտրական փուլի շրջանակներում Հայաստանի հավաքականը հոկտեմբերի 8-ին կհյուրընկալի Ռումինիայի թիմին:
