Ստամբուլում արտակարգ դրություն է սահմանվել
Ստամբուլում անվտանգության արտակարգ միջոցառումներ են ձեռնարկվել: Քաղաք են տարվել ոստիկանական հատուկ նշանակության ջոկատի 1800 անդամներ, հայտնում է Anаdolu գործակալությունը:
Հատուկ ջոկատայինները Ստամբուլ են տարվել հարևան նահանգներից ու տեղակայվել են ռազմավարական կարևոր օբյեկտներում և քաղաքի փողոցներում: Քաղաք է տարվել նաև հատուկ տեխնիկա:
Ստամբուլի անվտանգության ծառայության պետը հրաման է արձակել առանց նախազգուշացման խոցել չարտոնված թռիչք իրականացնող բոլոր ուղղաթիռները:
Թուրքիայի իշխանությունները կալանավորել են մոտ 6 հազար մարդու, որոնց կասկածում են հեղաշրջմանը առնչություն ունենալու մեջ:
Շարունակվում են նաև դատավորների և դատախազների զանգվածային կալանավորումները:
