15 հետաքրքիր փաստեր Հռոմի Ֆրանցիսկոս պապի մասին
Ինչ հետաքրքիր բաներ կարող ենք իմանալ Հռոմի 266-րդ Պապի մասին:
1. Ավազանի անունը՝ Խորխե Մարիո Բերգոլիո:
2. Նա կաթոլիկ եկեղեցու պատմության մեջ դարձավ առաջին Պապը, ով ընտրեց Ֆրանցիսկոս անունը:
3. Ի տարբերություն այլ հոգևորականների, նա իր ամբողջ ժամանակը չի նվիրել աստվածաբանության ուսումնասիրությանը: Ֆրանցիսկոսը սովորել է համալսարանում և ստացել է քիմիկոսի դիպլոմ: Որոշ ժամանակ նա նույնիսկ դասավանդել է այդ առարկան դպրոցում:
4. Նստելու և սպասելու փոխարեն, մինչև խոհարարը ինչ-որ բան կպատրաստի, Ֆրանցիսկոս պապը հաճախ ինքն է զբաղվում կերակուրի պատրաստմամբ: Ասում են, որ նրա մոտ հատկապես լավ է ստացվում Պաելիան:
5. Մինչև հոգևորական դառնալը, Ֆրանցիսկոսը (այն ժամանակ՝ դեռ Խորխեն) պաշտում էր պարել տանգո իր ընկերուհու հետ:
6. Կաթոլիկ եկեղեցու գործող ղեկավարն ունի արգենտինյան գիշերային ակումբում դռնապան աշխատելու փորձ:
7. Հռոմեական կաթոլիցիզմի պատմության մեջ Ֆրանցիսկոսը դարձավ առաջին Պապն Ամերիկայից:
8. Նա նաև պատմության մեջ առաջին ճիզվիտ Պապն է:
9. Ֆրանցիսկոսը փորձում է հասնել ժամանակակից տենդենցներին: Օրինակ, նա ունի գործող էջ Twitter-ում (20 մլն հետևորդ):
10. Ֆրանցիսկոս պապը սիրում է ֆուտբոլ և ակտիվորեն երկրպագում է արգենտինական «Սան Լորենցո» թիմին:
11. Կաթոլիկ եկեղեցու գլխին դուր է գալիս ֆանտաստիկ գրականությունը: Նա կարդացել է Թոլքինի շատ գործեր:
12. Լինելով պահպանողական, Ֆրանցիսկոսը չի խրախուսում արտաամուսնական կապերը, բայց գտնում է, որ եկեղեցին և հոգևորականները չպետքէ մերժեն մկրտել արտաամուսնական երեխաներին:
13. Ֆրանցիսկոս պապն աչքի է ընկնում իր համեստությամբ և, ի տարբերություն շատ կարդինալների, որոնք մինչ այս ստացել են կաթոլիկ եկեղեցու գլխի տիտղոսը, չի կորցրել այդ համեստությունը նաև կենցաղում: Ստանալով ճոխ և անհավանական նվերներ, Պապը հաճախ վաճառում է դրանք, իսկ գումարը հատկացնում է բարեգործությանը:
14. Պապը 1994 թվականից հեռուստահաղորդումներ չի դիտում, որովհետև նման ուխտ է արել Սուրբ Կույս Մարիամին:
15. Ֆրանցիսկոս պապը հումորի լավ զգացում ունի: Իր ելույթների ժամանակ նա հաճախ կատակում է, իսկ նրա արտահայտություններն ամուսնության դժվար պահերի և ոչ իդեալական զոքանչների մասին միանգամից դառնում են ամենացիտվող բառերը սոցիալական ցանցերում:
Պատրաստեց Անի Գաբուզյանը
