Մեքենայի լիցքավորման գները Երևանում և ՀՀ այլ քաղաքներում
Չնայած ՀՀ փոքր տարածքին, շատ ապրանքների գներ տարբեր մարզերում և քաղաքներում ապրանքների գները երբեմն այնպես են տարբերվում, որ կարող է թվալ, խոսքը տարբեր երկրների մասին է։
Բացառություն չեն անգամ այնպիսի ստանդարտացված ապրանքներն, ինչպիսիք են բենզինը, դիզվառելիքը և մեքենաների լիցքավորման բնական գազը։
Այսպես, Ազգային վիճակագրական ծառայության տվյալներով, մայիսին ավտոլիցքավորման կայաններում վաճառվող 1 լիտր բենզինի ամենացածր գինը Արտաշատում է՝ 366 դրամ, ամենաբարձրը Կապանում՝ 388.8 դրամ։
Դիզվառելիքի մեկ լիտրը Արտաշատում 316 դրամ է, Եղեգնաձորում՝ 354.3 դրամ։
ԱԳԼՃԿ-ներում վաճառվող բնական գազը նույնպես ամենաէժանն Արտաշատում է՝ 1 խմ-ը 168.9 դրամ, Եղեգնաձորում՝ 200 դրամ։
