Ալոէ վերան՝ դեմքի խնամքի միջոց
Ալոէ վերան լայնորեն օգտագործվում է՝ որպես դեմքի խնամքի միջոց, որը չափազանց արդյունավետ է մաշկային մի շարք խնդիրների դեմ։
Այս բույսը հասանելի է բոլորի համար, այն կարող եք աճեցնել նաև տան պայմաններում։
Պետք չէ հսկայական գումարներ ծախսել խնամքի միջոցների վրա, որոնցից շատերը ոչ միայն արդյունավետ չեն, այլև մի շարք կողմնակի ազդեցություններ ունեն։
Ինչպե՞ս ճիշտ օգտագործել ալոէ վերան
Բույսը լավ լվացեք, սակայն մի կեղևազատեք:
Տերևները փափկեցրեք մատների օգնությամբ:
Կիսեք երկու մասի: Կտրեք սուր եզրերը, այսպես ավելի հեշտ կլինի կեղևազատելը:
Երբ ծայրերը հեռացնեք, բույսը մեջտեղից բացեք այնպես, որ կարողանաք տեսնել միջուկը:
Ապա գդալի միջոցով քերեք ալոէի հյութը և լցրեք տարայի մեջ: Այնուհետև հյութը քսեք դեմքին, թողեք մնա 15-20 րոպե, որ չորանա: Վերջում աղբյուրի ջրով լվացեք դեմքն առանց օճառի:
Դեմքը լվանալուց հետո չորացրեք չոր անձեռոցիկով կամ սրբիչով։
Այս պրոցեդուրայից հետո անմիջապես կզգաք, թե ինչպես է դեմքը փափկել և մաքրվել։
Նյութը հրապարակման պատրաստեց Լիլիթ Հարությունյանը
