Սիրիայի խորհրդարանն առաջին անգամ կին կգլխավորի
Սիրիայում վերջերս ընտրված Ժողովրդական խորհրդի (երկրի խորհրդարանի) նախագահ է դարձել Խադիա Խալֆ Աբասը, որը դարձել է երկրի պատմության ﬔջ նման պաշտոն զբաղեցրած առաջին կինը, հայտնում է Sputnik գործակալությունը:
Աբասը խորհրդարանում ներկայացնում է Դեր Զոր նահանգը, խորհրդարանի նախագահի տեղակալ է դարձել ռեժիսոր Նաջաթ Անզուրը:
Ժողովրդական խորհուրդն այսօր կայացած առաջին նիստի ժամանակ նշանակել է ղեկավարներին:
Սիրիայի Ժողովրդական խորհրդի ընտրությունները տեղի են ունեցել ապրիլին: Խորհրդարանի 250 տեղի համար պայքարել է 3500 թեկնածու: Ընտրատեղամասեր էին բացվել բոլոր նահանգներում, բացի Իդլիբից ու Ռաքքայից, որոնք վերահսկվում են ԴԱԻՇ-ի կողմից:
