Ցանցահենները կոտրել են Ցուկերբերգի օգտահաշիվը սոցցանցերում. ԶԼՄ-ներ
OurMine Team խմբի ցանցահենները մատչում են ստացել Facebook կայքի հիմնադիր Մարկ Ցուկերբերգի Twitter, LinkedIn ու Pinterest սոցցանցերի օգտահաշիվներին, հայտնում է VentureBeat-ը:
Գործարարի Twitter-յան ու Pinterest-յան էջերում, որոնք նա օգտագործում էր վերջին մի քանի տարում, ցանցահենները տեղադրել էին հաղորդագրություններ, որոնք տեղեկացնում էին օգտահաշիվները կոտրելու ու ցանցահենների հետ կապվելու առաջարկի մասին:
Չարտոնված մատչումի համար խմբավորումն օգտագործել է տվյալներ, որոնք ստացվել էին LinkedIn ցանցի օգտահաշիվների վերջին արտահոսքից:
Ամենայն հավանականությամբ, Ցուկերբերգն օգտվել է միանման ծածկագրերից տարբեր ռեսուրսներում:
Twitter-ն օպերատիվորեն արձագանքել է հրապարակմանը՝ սառեցնելով Ցուկերբերգի օգտահաշիվը, ապա այն վերադարձրել է միկրոբլոգ նորմալ վիճակում: