Չինացի ներդրողները ձեռք են բերել «Ինտերը»
Էրիկ Տոխիրի դարաշրջանն ավարտվեց:
«Suning Group-ը պաշտոնապես ձեռք է բերել Միլանի «Ինտերը»»,- այս մասին հաղորդվել է այդ նույն կոնսորցիումին պատկանող «Ցզյանսու Սունին» ակումբի թվիթերյան էջում:
Ինչպես հաղորդում է Reuters-ը, երկուշաբթի Suning Group-ը և «Ինտերը» պաշտոնապես կհայտարարեն գործարքի մասին, որը գնահատվում է 750 մլն եվրո: Չինացի ներդրողներին կանցնի ակումբի մասնաբաժինների մոտ 70 տոկոսը:
2015-16 մրցաշրջանն «Ինտերն» ավարտել է 4-րդ հորիզոնականում:
Ակումբը ղեկավարում էր ինդոնեզիացի գործարար Էրիկ Տոխիրը, ով գնել է «Ինտերը» 2013 թվականին:
Չինացիները մեծ հետաքրքրություն են ցուցաբերում նաև «Միլանի» նկատմամբ:
Պատրաստեց Անի Գաբուզյանը