Հալեպում ռազմական ինքնաթիռ է կործանվել
Սիրիայի Հալեպ քաղաքի մերձակայքում կործանվել է դեռևս չնույնականացված ռազմական ինքնաթիռ: Այս մասին հայտնում է Մեծ Բրիտանիայում տեղակայված Մարդու իրավունքների սիրիական կենտրոնը, հայտնում է Reuters-ը:
«Հալեպից հյուսիս ընկած գյուղական բնակավայրում, որտեղ իսլամիստները կռվում են սիրիական բանակի ու Իրանի կողմից աջակցություն վայելող ուժերի դեմ, կործանվել է չնույնականացված ռազմական ինքնաթիռ»,- ասվում է հաղորդագրության մեջ:
Միաժամանակ, իրավապաշտպաններն ընդգծել են, որ չունեն տեղեկություն ինքնաթիռի կործանման մասին:
Նշվում է, որ աղետը տեղի է ունեցել այն շրջանում, որտեղ ռազմական գործողություններ են ընթանում «Ան-Նուսրա ճակատի» և Բաշար Ասադի բանակի միջև:
