Ղազախստանի Ակտոբե քաղաքում ահաբեկչական սպառնալիքի բարձրագույն մակարդակ է հայտարարվել. կան զոհեր
Ղազախստանի արևմուտքում գտնվող Ակտոբե քաղաքում երկրի իշխանությունները հայտարարել են ահաբեկչական սպառնալիքի բարձրագույն՝ «կարմիր» մակարդակ, բնակիչները ստանում են համապատասխան բովանդակությամբ հաղորդագրություններ, հայտնում է Tengrinews.kz-ն:
Երեկ տեղի է ունեցել հրաձգություն քաղաքի միանգամից երեք շրջանում: Անհայտ անձինք հարձակվել էին զենքի երկու խանութի ու զորամասի վրա: հատուկ օպերացիայի ընթացքում ուժայիններն սպանել էին 4 հանցագործի, ևս 7-ը ձերբակալվել էր:
Այսօր առավոտյան ուժայինները հայտնել են ևս 5 ծայրահեղականի ոչնչացման մասին:
Սպանվել է 6 մարդ՝ 3 քաղաքացիական անձ և 3 զինվորական, ևս 10-ն ստացել է վնասվածքներ: Ղազախստանի ՆԳՆ-ն հայտարարում է, որ հարձակումներն իրականացրել են «արմատական ոչ ավանդական հոսանքի հետևորդները»:
Քիչ առաջ հայտնի է դարձել, որ սպանվել է հարձակում գործած ևս 5 մարդ, տեղեկացնում է Ղազախստանի ՆԳՆ-ն:
