Իսլամական պետության զինյալները սպանել են «Ռեալի» 16 երկրպագուների
Իրաքի Բալադ քաղաքում Իսլամական պետություն ահաբեկչական խմբավորման զինյալների կողմից Մադրիդի «Ռեալի» ֆան ակումբի վրա կատարած հարձակման արդյունքում զոհվել է 16 մարդ:
Երեք ահաբեկիչներ սրճարանում կրակ են բացել գնդացրից, որտեղ տեղակայված է եղել իսպանական ֆուտբոլային ակումբի երկրպագուների ասոցիացիան: Ֆան ակումբի հաղորդագրության մեջ ասվում է, որ հարձակման արդյունքում զոհվել են 16 մարդ, իսկ ևս 20 հոգի ստացել են տարբեր վնասվածքներ:
Հարձակվողներին հաջողվել է թաքնվել: Ավելի ուշ, նրանցից մեկը պայթեցրել է իր շահիդի գոտին շուկայի մոտ այն ժամանակ, երբ նրան փորձել են ձերբակալել:
Պատրաստեց Անի Գաբուզյանը
