Սադամ Հուսեյնի պալատը կվերածեն թանգարանի
Բասրայում Իրաքի նախկին նախագահ Սադամ Հուսեյնի պալատը թանգարան կդառնա: Ինչպես հաղորդում է National Geographic-ը՝ նախագծի արժեքը գնահատվում Է 3,5 միլիոն դոլար:
Ծրագրվում Է, որ այնտեղ կլինի չորս սրահ՝ հին Շումերի, Բաբելոնի, Ասորեստանի ցուցանմուշներով, որոնք այցելուներին կծանոթացնեն Իրաքի պատմությանը: «Ընդամենը ցուցադրանքում կլինեն 3500-4000 օբյեկտներ Բաղդադում գտնվող Իրաքի թանգարանից»,- պարզաբանում է Հնությունների եւ ժառանգության գործերի վարչության՝ Բասրայի բաժանմունքի ղեկավար Քահթան ալ Աբիդը:
Դա կլինի առաջին թանգարանը, որը երկրում կբացվի վերջին մի քանի տասնամյակների ընթացքում: Իրաքի իշխանությունները հուսով են, որ այն կդառնա Բասրայի՝ Իրաքի՝ մեծությամբ երկրորդ քաղաքի մշակութային վերածննդի խորհրդանիշը:
Թանգարանը ծրագրվում է բացել մինչեւ այս տարվա սեպտեմբերը:
