ԿԽՄԿ-ն աջակցում է ԼՂ հակամարտության կողմերին` անհայտ կորածների ճակատագրերի պարզաբանման հարցում
Կարմիր խաչի միջազգային կոմիտեն ակտիվ աջակցություն է տրամադրում Լեռնային Ղարաբաղի հակամարտության կողմերին` անհայտ կորածների ճակատագրերի պարզաբանման հարցում: Այս մասին «Արմենպրես»-ի հետ զրույցում նշեց ԿԽՄԿ Երևանի պատվիրակության հաղորդակցման ծրագրերի ղեկավար Զառա Ամատունին: «Գտնվում ենք կողմերի հետ աշխատանքի ու երկխոսության ընթացքում: Կարմիր խաչի միջազգային կոմիտեն` իր մանդատի շրջանակներում, իրավիճակի սրացման հետ կապված քննարկում է բոլոր մարդասիրական հարցերը: Կապի մեջ ենք բոլոր կողմերի հետ` զոհված զինվորների մարմինների որոնման և փոխանցման հարցում: Տուժած ընտանիքների կարիքները ևս մեր ուշադրության կենտրոնում են»,-ասաց Ամատունին:
