Պսկովում «Մի-8» ուղղաթիռի կործանման հետևանքով 4 մարդ է զոհվել
Ռազմական «Մի-8» ուղղաթիռը Պսկովի մարզում պարտադրված վայրէջք է կատարել, ինչի հետևանքով զոհվել է 4 մարդ, հայտնել են ՌԴ պաշտպանության նախարարության մամուլի ծառայության ու տեղեկատվության վարչությունից, տեղեկացնում է BBC-ի ռուսական ծառայությունը:
Պարտադրված վայրէջքի հետևանքով զոհվել են անձնակազմի 3 օդաչուները ու տեխնիկ ինստրուկտորը, հայտնել են զինվորական գերատեսչությունից:
«Մի-8» ուղղաթիռը դուրս էր եկել Պսկովի մարզի «Օստրով» օդանավակայանից ու իրականացնում էր պլանային ուսումնամարզական թռիչք: Անձնակազմի հետ կապն ընդհատվել էր Մոսկվայի ժամանակով ժ. 19:21-ին:
Ներկայում դեպքի վայրը շրջապատված է, տարածքում աշխատում են Ռուսաստանի ԱԻՆ-ի աշխատակիցները:
