Յուրա Մովսիսյանը հրաժարվել է տեղափոխվել թուրքական ակումբ

Fotospor-ը տեղեկացնում է, որ Մոսկվայի «Սպարտակի» և Հայաստանի Ազգային հավաքականի հարձակվող Յուրա Մովսիսյանը հրաժարվել է տեղափոխվել թուրքական «Գալաթասարայ»:

Աղբյուրի տեղեկությունների համաձայն ՝ «Սպարտակն» ու հայ ֆուտբոլիստը պայմանավորվածություն են ձեռք բերել տեղափոխվելու համար, սակայն ավելի ուշ Մովսիսյանը հրաժարվել է տեղափոխվել թուրքական ակումբ: Աղբյուրը նշում է, որ հրաժարվելու պատճառը, ամենայն հավանականությամբ, հայ-թուրքական հարաբերություններն են:

Աղբյուրը նաև վարկած է հայտնում, որ ֆուտբոլիստը բռնության սպառնալիքներ է ստացել հայ ազգայնականների կողմից:

Սիրարփի Աղաբաբյան