Թուրքիան Ռուսաստանին աննախադեպ մարտահրավեր է նետել. Պեսկով
Խոցելով Սիրիայում ռուսական «Սու-24» ինքնաթիռը, Թուրքիան Ռուսաստանին աննախադեպ մարտահրավեր է նետել: Այս մասին «Вести в субботу» հաղորդման ժամանակ հայտարարել է ՌԴ նախագահ Վլադիմիր Պուտինի մամլո քարտուղար Դմիտրի Պեսկովը:
«Նախագահը մոբիլիզացված է, մոբիլիզացված է առավելագույնս, մոբիլիցազված է մինչև այն մակարդակը, որը պահանջում են հանգամանքները: Հանգամանքներն աննախադեպ են, Ռուսաստանին աննախադեպ մարտահրավեր է նետվել: Ու այդտեղից, բնականաբար, ռեակցիան համապատասխանում է այդ սպառնալիքին»,- հայտարարել է Պեսկովը:
Հիշեցնենք, որ «Սու-24» ռմբակոծիչը կործանվել էր Սիրիայում թուրքական F-16-ի կողմից երեքշաբթի օրը:
