Մակեդոնիան սկսել է պատ կառուցել Հունաստանի հետ սահմանին
Մակեդոնիայի բանակը սկսել է մետաղական արգելապատնեշ կառուցել Հունաստանի հետ սահմանին, գրում է Reuters-ը՝ հղում կատարելով իր թղթակցին:
«Զինվորներն սկսել են մետաղական ցանկապատեր կառուցել ու մետաղալարեր անցկացնել այն ցանկապատի նմանությամբ, որը կառուցվել էր Հունգարիայի՝ Սերբիայի ու Խորվաթիայի հետ սահմանին՝ ներգաղթյալների հոսքը կասեցնելու նպատակով»,- ասվում է գործակալության հաղորդագրության մեջ:
Այդ երկրների միջոցով են ներգաղթյալներն ուղևորվում Արևմտյան Եվրոպայի երկրներ:
