«Վանաձորում պատեր են գողանու՞մ»
Asparez.am-ը գրում է. Վանաձորում ընթացքի մեջ են ֆուտբոլի ակադեմիայի շինարարական աշխատանքները: Ինչպես գիտենք, այն շահագործման է հանձնվելու 2015թ-ի վերջին: Փաստն ինքնին ուրախալի է, սակայն Վանաձորի քաղաքապետ Սամվել Դարբինյանին մի հարց է մտահոգում:
-Շատ բարձր որակով է կառուցվում, ես եղել եմ այնտեղ եւ ուղղակի հիացել այդ մարդկանց կատարած գործով: Ես նույնիսկ ամաչեցի, որ ֆուտբոլի ֆեդերացիան Վանաձոր քաղաքում այդ հիասքանչ ֆուտբոլի դաշտերը կառուցում է, իսկ այնտեղից պարսպի պատերից քանդել եւ այդ բլոկներից գողացել են: Ամբողջությամբ պատը քանդել են, գողացել- տարել: Շատ մեծ տարածք է, մի ծայրից մյուս ծայրը գնացել քանդել են, տարել,-սրտնեղում է Վանաձորի համայնքի ղեկավարը:
Վերջերս նաեւ լուրեր են շրջանառվում, որ շինաշխատանքները որակապես ցածր են, մասնավորապես՝ պատերի լիցքը պատշաճ մակարդակով չի իրականացվում: Այս առնչությամբ Սամվել Դարբինյանը հույս հայտնեց, որ եթե անգամ նման խնդիրներ կան, շինարարական կազմակերպությունը դրանք անպայման կվերացնի:
